A ton retour (
tres illustre Duchesse)
J’ay mis espoir en ta noble promesse,
Comme celuy que tu peulx secourir,
En luy donnant ce qu’il vient requerir.
Je ne requiers la charge d’une Anesse,
Pour supporter mon mal et ma tristesse :
Mais seulement le don que ta largesse
Me doibt donner, pour ma douleur guerir.
A ton retour.
En ce faisant dedans mon cueur sans cesse,
Je beniray ta grace et ta noblesse,
Qui m’aura faict ce bien pour m’encourir
En grand langueur qui faict les gens mourir,
Et te diray tenir lieu de déesse.
A ton retour.